इटलीच्या पंतप्रधान जॉर्जिया मेलोनींची सर्वात मोठी ताकद कोण ?

नुकतीच भारताचे पंतप्रधान नरेंद्र मोदी यांनी इटलीला भेट दिली. या दौऱ्यानंतर इटलीच्या पहिल्या महिला पंतप्रधान जॉर्जिया मेलोनी (Giorgia Meloni) पुन्हा एकदा जगभरात जोरदार चर्चेत आल्या आहेत. जॉर्जिया मेलोनी या आज जागतिक पातळीवर एक बलाढ्य आणि गतिमान नेत्या म्हणून ओळखल्या जातात. पण, या शक्तिशाली महिला नेत्याच्या मागे सावलीसारखी उभी असणारी आणि त्यांच्यावर सर्वात जास्त प्रभाव टाकणारी एक पडद्यामागची शक्ती आहे. ती व्यक्ती दुसरी कोणी नसून त्यांची मोठी बहीण ‘अरियाना मेलोनी’ (Arianna Meloni) आहे. जॉर्जिया मेलोनी यांच्या संपूर्ण राजकीय आणि वैयक्तिक प्रवासातील सर्वात विश्वासू साथीदार म्हणून अरियाना यांच्याकडे पाहिले जाते.