प्रतिनिधी, जळगाव – हातात पिस्तूल घेवून शहरातील बहिणाबाई उद्यान परिसरात डॉनगिरी करीत दहशत माजविणऱ्या तरुणाच्या काल सोमवारी रात्री स्थानिक गुन्हे शाखेच्या पोलिसांनी मुसक्या आवळल्यात.
राकेश चंद्रकांत साळुंके उर्फ लिंबु राक्या (वय २४, रा.कांचननगर, जैनाबाद) हा सोमवारी रात्री ८ वाजता बहिणाबाई उद्यानाच्या परिसरात आढळुन याला. यावेळी त्याच्या हातात पिस्तूल होती. ‘मैं हू डॉन’ असे म्हणत तो रस्त्यावरील लोकांच्या अंगावर पिस्तूल भिरकावत होता. दहशत माजवत होता. ही माहिती स्थानिक गुन्हे शाखेचे निरीक्षक बापू रोहोम यांना मिळाली. त्यांनी तात्काळ विजय पाटील, नंदलाल पाटील व भगवान पाटील, सचिन महाजन या कर्मचाऱ्यांना बहिणाबाई उद्यान परिसरात पाठवले. पोलिस कर्मचारी पोहाचले पोलिस कर्मचाऱ्यांनी त्याच्या हातातून पिस्तुल काढून घेत त्याला ताब्यात घेतले. यानंतर सचिन महाजन यांच्या फिर्यादीवरुन जिल्हापेठ पोलिस ठाण्यात गुन्हा दाखल करण्यात आला आहे. लिंबु राक्याकडून पिस्तूल हस्तगत करण्यात आले आहे.
